《沙利在伦敦的第一个冬天》
编辑时间:2020-05-28 作者:
-请支持蓝狮 Facebook专页-《原创文章 欢迎转载 请列明出处 谢谢》《沙利在伦敦的第一个冬天》 按此观看图片 .图片来源 : SundulGol踏入2019年,亦意味着英超经已踏上一半旅途,相对于上季曼城喺圣诞快车经已遥遥领先,今季前列球队排名就紧凑得多,利物浦同曼城正为争冠斗得你死我活,紧随其后就有热刺,而车路士以及阿仙奴就真係难兄难弟排第四五位,至于换帅后既曼联亦开始追贴。讲番车路士,今季沙利接掌帅印后成绩并没有干地所带既第一季亮眼,当然,形势上亦与当年不同,各支球队既阵容同打法亦有唔少进步,但意大利人喺打法上既单调似乎亦令唔少球迷不满,今集半程总结会为大家讨论一下。沙利上任后并没有为干地所种下既三后卫留下任何行迹,收购旧部佐真奴为433阵式战术核心,同时向皇马借用高华锡一季,先讲哩两单收购,有留意开蓝军既球迷都知道,其实车路士既中场人手只有量没有质,除左简迪之外,法比加斯经已不复当年勇,巴克利、真禾特被投闲置散,而巴卡约高亦被配上「水货」之名,质素上绝对需要提升,佐真奴其实唔需要多讲,有沙利就一定要有埋佐真奴先搞得掂,至于借到高华锡就真係一非常好既转会操作,能力经已比起其他球员高一班,如果能够喺体力同对抗性上再提高,就真係接近完美无瑕,当然前题仲要睇佢下季能唔能够留队啦。同时间喺沙利手上有好几个球员都得到重生或者唔少机会上,最大得益者一定非巴克利莫属,继而就係路夫斯捷克、奥岱等年青球员。喺战术方面,沙利较着重于速度同球员互相走位製造机会,同时亦希望中场球员喺适当时间前插及压上,潜伏于禁区顶位置,不过经历左半季时间,球队喺进攻同防守依然存在唔少明显问题需要沙利解决。<<防守位置形同虚设>>由于着重前压,引致好多少一比人打反击时后防就出现中空情况,其实哩个问题都好关乎到后防球员能力有关,只係过往两季都有简迪帮手喺中后场执漏,但沙利今季并没有将法国人放回熟悉既防中位,反而将佢改造成较多从后前插入禁区既进攻手,而靠后既佐真奴亦不善于保护防线,令车路士防守问题再次出现,单靠鲁迪加、沙巴拿加等年轻少将亦难力保不失。 <<左闸问题再被放大>>其实上季都有讲马高斯阿朗素既顶点已经到,哩个年纪好难再喺速度上有提升空间,喺有三后卫既保护下西班牙人回防慢既问题亦导致球队失左唔少波,更何况依加打既係433,更着重于闸位球员压上后需要极速回防,艾马臣其实非常适合于依加既打法,但沙利并无将佢放喺联赛既轮换名单上,同时表示马高斯阿朗素喺处理死球同防守死球上更佳,哩点唔少球迷都「黑人问号」左。<<久攻不下 变化单调>>进攻乏力好多人都归咎于莫拉达,话佢把握唔到应入则入既机会,但其实都只係其中一部份,球员喺进攻配合上既问题先係重点,韦利安同夏萨特都偏好于自己埋中间尝试取后入球机会既球员,引致中路囤兵太多,对手较易利用人数去完堆砌防守,即使中场或闸位球员压上拉边,亦只做博脚居多,加上欠缺远射能力,面对对手密集防守时缺少远射既命中实在十分输洩,同时阵中亦只有夏萨特及柏度较善于持球突破,进攻变化单调欠缺变化,而新收购既普利锡亦要夏季至正式加盟,远水不能救近火。结语始终今季球队係以前四作为目标,阵容上亦难以与利物浦及曼城两队作比,而车路士开季至今喺一啲强强对决时都交出好表现,反而对住中下游时为人诟病地失分,的确带住一点「海鲜」既味道,如果季后最终亦前四不保,连续两年缺少欧联资格之下相信队中所引发的问题就只会更多,情况实在不堪设想。其实仲有唔少琐碎问题,有机会再同大家续一分享...文章最后更新时间 : 10/1/2019 17:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇: