《沙利大限将至 摩连奴三次执掌?施丹强势掌权?》
编辑时间:2020-05-28 作者:
《原创文章 欢迎转载 请列明出处 谢谢》-请支持蓝狮 Facebook专页-《沙利大限将至 摩连奴三次执掌?施丹强势掌权?》 按此观看图片 .图片来源 : FC Naija摩连奴三次执掌?施丹强势掌权?相信唔少球迷对于沙利嘅耐性都已经到左尽头,就连英国当地球迷都要「Fxxk Sarri」,亦正好係传媒炒作新领队人选嘅机会,既然係一啲吹水新闻就不彷吹下对两位人选嘅睇法。先讲摩连奴?「不了」二字经已答案,唔好讲话咩植入蓝色基因、流着蓝色的血,由佢第二次离开车路士果一刻经已代表佢同蓝军係要各行各路,再者佢离开后第一时间选择执教曼联,经已不能再走回头路。由赛前安排到临场调动,再到同球员之间嘅沟通,都睇得出摩连奴经已将自己迫入「走火入魔」嘅地步。过往出口术保护球员,依加变成喺球员之中搵箭靶,推卸自己喺战术上嘅失误,而「泊大巴」嘅成功亦驱使佢喺战术思维上缺乏新意,再者一连串嘅工兵化,马达、迪布尼等技术型球员身受其害,恕难以再接受多次打击。如果身为车路士球迷嘅你仍然对佢有着美好光境想佢三次回归,麻烦你搵埋当日仲当打嘅杜奥巴、林伯特、泰利等师兄弟归位。否则,建议你唔好再发梦。至于施丹,正所谓皇帝女唔忧嫁,就凭人地份CV有三只大耳朵盃哩一项,就知成件事根本无可能,完全谂唔到车路士有咩可以吸引到佢黎执教嘅地方,係就连一项都无呀。就算施丹想黎英超挑战下,都唔会搵依加哩队车路士啦,钱又唔够人多,转会权又无,仲要睇球员同高层面色,仲要未计成绩一有咩闪失就要受传媒施压,相信大家知啲英国传媒针对嘅炒作几利害架啦,何必黎打烂自己金漆招牌,佢倒不如等艾历尼唔玩祖云达斯果阵接任好过啦老实说,其实无论炒唔炒沙利都好,都唔好再比Marina(玛莲娜)干涉转会操作先係最重要,搵个管开数嘅外行人黎搞转会操作,根本唔会知一个球员真正嘅价值係咩,净係识好似师奶仔街市买餸咁讨价还价,做靓盘数。当然,并唔係话前任总监Emealo(艾文拿路)喺哩方面做得好,只係至少佢做到领队同Marina(玛莲娜)之间嘅夹心,亦就係杜文泽喺低俗喜剧所讲「果一撮阴毛」 嘅角色,哩个位置喺车路士黎讲係极为重要,一日无哩个人一日都只会权力失衡。 当然,你可能会话Marina(玛莲娜)帮沙利搵佐真奴同希古恩返黎都算係咁啦,但麻烦你谂清楚,如果唔係Marina(玛莲娜)干涉转会操作拖住球会后腿,会有咁多好教练死喺车路士手上?当中究竟洗左几多冤枉钱係有喺盘数入面反映出黎?近哩几年嘅车路士究竟係向上游定走紧下坡,相信心水清嘅球迷会睇得透。文章最后更新时间 : 20/02/2019 13:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇: